Китапла саугъа этген кюннге сабийлеге китап саугъала

Китап саугъа этилген кюнню чеклеринде Бербеков атлы Къабарты-Малкъар къырал университетни илму библиотекасы-китапханасы Нартан элни бешинчи номерли школ интернатыны сабийлерине ахшы саугъала хазырлагъанды.

Бу кюннге жоралап китапхананы ишчилери аны таматасы Герийланы Айманини башчылыгъында «Китап саугъа эт- дунияны саугъа эт!» деген ариу ат бла терели акцияларын бардыргъандыла. Аны баш магъанасы- китап не заманда да бек багъалы саугъа бола келгенин эсде тутууду. Бегирек да быллай саугъала сабийлени къууандыргъанларын эсге ала, акцияны бардыргъанла эки жюз жыйырмадан артыкъ кеп магъаналы китап жыйышдыргъандыла- сабий энциклопедияла, жомакъла, хапарла, назму жыйымдыкъла, классикалы сабий литература эм кеп башха. Аланы жыл санлагъа кере тап халгъа келтирип, Нартанны школ- интернатына къонакъгъа атланнгандыла.

Школну уллу залында жыйылгъан сабийчиклени алларында селеше Аймани Докуевна бу байрамны магъанасыны юсюнден хапарлагъанды, китапны магъанасы бир заманда да эниш болмагъанын чертгенди.

«Бу кюн, жыл сайын бизни къыралда сюйгенлени кюнлери да белгиленеди. Ол эки магъана бирге байламлы болгъаны бошундан тюйюлдю. Иги сагъыш этсек китап саугъадан иги не барды?!,-дегенди Герийланы Аймани,-бизге, китап дуниясына харкюнлюк ишибизде уллу эс бургъанлагъа, сизни, сабийле, жарыкъ кезлеригизни керюрге бек къууанчлыды. Китапны сюйюгюз, телефонда, интернетде окъугъаны бир, китап бетлени ача, аны жашаууна киргенча бола баргъаны уа уллу сезимди».

Китапланы саугъа этген акциягъа тири къатышханла кеп болгъандыла.Аланы санында: ИФиМ институтну бошагъан Ошнокова Зарема, информациялы араны буфетини ишчилери, студентле бла преподавательле, быллай ишлеге сейирлери болгъан кепле.

Университетни библиотекасы-китапханасы барысына да ыразылыгъын билдиреди. Огъурлу ишлени чеги жокъду!

Перевод: Мадина Токмакова (республиканское радио)

Понравился пост? Ставь 5 звезд!

90 лет исполнилось в 2022 году со дня основания Кабардино-Балкарского государственного университета им. Х. М. Бербекова. КБГУ — участник программы Минобрнауки РФ «Приоритет–2030», входит в топ-100 вузов России. Расположен в центре Северного Кавказа, в городе-курорте Нальчик. Один из ведущих классических научно-образовательных центров СКФО. В 16 учебных подразделениях КБГУ обучаются более 18 000 студентов, аспирантов, ординаторов из более 52 субъектов РФ и 45 зарубежных государств.

Буклет «КБГУ 2022». К 90-летию вуза