Саулукъ сакълауну ал сатырында

Бизни бюгюннгю бериуюбюз аслам аудиториябызгъа сейир боллугъуна ишексизбиз. Стоматология эм  адамны бет сыфатына бла андагъы багъыугъа къарагъан специалистлени хазырлагъан институт. Ушакъ негерибиз а институтну таматасы Мустафаланы Магометди. Былайда бек алгъа теребизни бузмай  аны юсюнден юсюнден да хапарлай кетерге тийишли керебиз. Мустафаланы Шабазны жашы Магомед Россей Федерацияны бла  Къабарты-Малкъарны сыйлы врачыды, медицина илмуланы доктору, профессор, ара клиника больницаны белюмюню таматасы, Шимал Кавказны пластикалы хирургия бла стоматология  арасы жабыкъ акционер обществону баш врачы, Россейни саулукъ сакълау министерствосуну пластикалы хирургия комиссиясыны Эксперт советини члени, кеси регионубузну саулукъ сакълау министерствосуну баш пластикалы хирургу. Бу тизмени андан ары бардырыргъа боллукъду.Магомедни битеу ишчи жолу айхай да, саулукъ сакълау бла къаты байламлыды. Анга тийишли кадрланы хазырлаугъа да уллу къыйын салгъанладанды. Хирургиялы стоматологияда бла адамны бет сыфатында кемчиликлени кетериу хирургияда отуздан артыкъ врачны хазырлагъанды. Аны башчылыгъында он кандидат диссертация жазылгъанды.  Магомед жюз илму ишни авторуду. Кесини кеп разработкаларын кийире, бу ишни бийик терге кетюре келеди.

Университетни стоматология бла челюстно-лицевой институту тынгылы усталаны хазырлагъанын бюгюнлюкде керюрге къыйын тюйюлдю. Озгъан жылда аны жюз жыйырма жаш адам бошагъанды.Былайда быллай билим алыуну энчи шартларыны юслеринден айта кетерге керекди. Стоматологлагъа окъугъан студентлени ахыр къырал экзаменлери аланы биринчи аккредитациялары бла юч урумда етеди- тестле бериледиле, жаш врачланы практикалы амалларына тынгылы къарайдыла. Алагъа уа теориялы соруула да киредиле. Бу ишге сейирлери болгъанла билгенлерича, диплом къоллу болгъандан сора да выпускникле аккредитацияны етерге керекдиле, аны бла уа битеулю халда багъыу ишге къатышыргъа эркинлик аладыла. Энчи терапевтми, хирургму эм башха врачмы болургъа сюйгенле уа ординатураны бошаргъа керекдиле. Бизни бийик окъуу юйде ординатурада стоматологияда алты жаны бла билим бередиле-практикалы стоматология, ортопедиялы стоматология,сабий стоматология, хирургиялы стоматология, ортодонтия, бет сыфат хирургия бла пластикалы хирургия.

Студентлени теориялы эм практикалы билим алыуларына университетде уллу магъана бериледи. Аны чеклеринде ректор Юрий Альтудовну оноуу бла Стоматология усталыкъны билим бериу жолуну системалы анализи баргъандан сора модернизациялау ишлени кезиулеринде бизнес инкубаторда аккредитациялы симуляциялы билим алыу ара ачылгъанды. Анда бюгюнлюк терлю технологиялы оборудование бла материалла орнатылгъандыла. Стоматологиялы бла челюстно-лицевой хирургиялы институт Россейни бла тыш къыралланы алчы стоматологиялы университетлери бла къаты байламлыкъ тохташдыргъанды. Ол санда Москваны областьлы илму тиниту клиникалы институту бла къырал медико-стоматологиялы университети, Къазахстанны, Юзбекни, Белоруссияны,Германияны, Италияны бла Швейцарияны институтлары эм университетлери бла. Бу хапарны андан ары бардырыргъа боллукъду.

Подготовила: Мадина Токмакова

Понравился пост? Ставь 5 звезд!

90 лет исполнилось в 2022 году со дня основания Кабардино-Балкарского государственного университета им. Х. М. Бербекова. КБГУ — участник программы Минобрнауки РФ «Приоритет–2030», входит в топ-100 вузов России. Расположен в центре Северного Кавказа, в городе-курорте Нальчик. Один из ведущих классических научно-образовательных центров СКФО. В 16 учебных подразделениях КБГУ обучаются более 18 000 студентов, аспирантов, ординаторов из более 52 субъектов РФ и 45 зарубежных государств.

Буклет «КБГУ 2022». К 90-летию вуза