Бийик окъуу юйлени медиалы тириликлери

Россейни жарыкъландырыу бла илму министерствосуна бойсуннган эки жюз жыйырма тогъуз учрежденияны быйылгъы 2023чю жылны январь айында медиалы тириликлерини рейтинги жарашдырылгъанды. Аны бийик билим алыугъа , илмугъа бла аны жетишимлерине сейирни кетюрюуню чеклеринде,  учрежденияланы информациялы кенгликде ишлерини керюмдюлерине кере тинтедиле.

V-Rate бийик окъуу юйлени жангыртылгъан керюмдюлерине тийишлиликде айны ичинде социально сетьледе (Телеграмм-каналда) подписчикле он  беш миннге кебейгендиле, кеслерини оюмларын билдиргенле уа юч жюз он терт миннге  жетгендиле.

«В Контакте» социально сетьде оюмланы саны сегиз мингден атлагъанды, ыразы болгъанланы уа -жюз жыйырма сегиз мингден кеп. Социально сетьледе жыйырма алты бет къуралгъанды.

Россейни жарыкъландырыу бла илму министерствосуну информациялы политика бла комплексли къоркъуусузлукъ Департаментини таматасыны орунбасары Анна Гуреева бу медиалы тириликге къатышхан бийик окъуу юйлеге рекомендацияла бергенди:

«Быйылгъы жылда медиалы рейтингни формуласы бир къауум социально сетьни метрикалары тюрленнгенлери бла жангыртылгъанды,-деп ангылатады Гуреева,- оюмлагъа бла билдириулеге кере. Аланы уа озгъан эки минг жыйырма экинчи жылда информациялы политикагъа жораланнган кенгешледе ачыкълагъандыла».

Алгъынча, рейтиннге керюмдюлени юч блогу киредиле:сайт, социально сеть бла бийик окъуу юйню асламлы информациялы органлада ачыкълыгъы. Аны бла бирге энди ол формулада битеулю багъаланы бла ЕR эм ЕRR битеулю алыннган бла качестволу керюмдюлени эсге аладыла. Ала билим бериу организацияны ишини тирилигин социально сетьледе белгилерге тийишлидиле, аудиторияны бу билдириулеге сейирлерине къарайдыла эм кеп башха.

Бербеков атлы Къабарты-Малкъар къырал университетни мониторинг бла рейтингли тинтиуле арасыны таматасы Виталий Квашин билдиргенича, медиарейтингни быйылны январь айыны керюмдюлерине тийишлиликде,  бизни алчы университетибиз эллю бек тири университетни санына киреди, ол керюмдюсюн а он беш тизмеге бийик этип, отуз бешинчи жерге кетюрюлгенди.

КъМКъУ кесини социально сетьледе керюмдюле блокда ачыкълыгъын да жыйырма юч тизмеге кетюргенди эм отуз бек тири вузну санына тюшгенди, анда жыйырма биринчи жердеди.

Алай бла, бизни университет социально сетьледе: RUTUBE – 4 жерде. Telegram- 27 жерде, Одноклассники-34 жерде, ВКонтакте-108 жердеди.

Бийик окъуу юйлени M-Rate рейтингде керюмдюлери бизни бийик окъуу юйюбюзню цифралы трансформациялы тири ишлерин ачыкълайды, аны баш магъанасы коммуникациялы кенглигиди, кенг интернет байламлыкъда ачыкълыгъы, ол санда информациялы ачыкълыгъы.

           Перевод: Мадина Токмакова  (республиканское радио)