Университетни насийхатчысы

Кьауум заман мындан алгьа Х.М. Бербеков атлы Къабарты-Малкъар къырал университетни Точка кипения арасында «Университетни насийхатчысы» деген аты бла билим бериу программа ётгенди. Бу магъаналы проектни баш магъанасы – биринчи курслагъа кирген студентлени окъуугъа кириулерин тынчыракъ этиу, тамата курсланы студентлерини алагъа болушлукълары. Бу ишни бийик окъуу юйню жаш тёлю политика бла юйретиу ишле управлениясы эм студент совети къурагъандыла эм бардыргъандыла. Ала белгилегенлерича, быллай насийхатчылыкъ формалы школу биринчи кере бардырылады. Анга деп, хар структуралы бёлюмледен фахмулу эм тири жаш адамла айырылгъандыла. Ма ала болгъандыла энди келген къызлагъа бла жашлагъа болушлукъ берликле, аладыла университетни жашауун иги билгенле. Проектге жюз бла жарым студентден артыгъы жазылгъанлары да къууандырады. Алай бла жаш адамла «университетни тарыхы» деген лекция-тренингге къатышхандыла, «жаш тёлю бла студент биригиуле» деген магъанагъа тюшюналгъандыла, илму, къауумланы психологиялы барыуларына, ишлени календарына, стипендияла эм ырысхы болушлукъ ангыламны юсюнден билгендиле. Ызы бла биринчи курслу студентле тестлени ётгендиле, къаллай фахмулары болгъанларын ачыкълаялгъандыла. Бу программаны ётгенле уа насийхатчыла болургъа тийишли сертификатла алгъандыла.

Подготовила: Токмакова М. А. (республиканское радио)