Зыужьыныгъэм и хэкIыпIэ

Февралым  и  8-р  щIэныгъэм  и  махуэу  щытащ.  Абы  ирихьэл1эу еджагъэ-шхуэ  щ1алэгъуалэм я выставкэ къыщызэ1уахащ  Бэрбэч  Хьэт1ут1э  и  ц1эр  зезыхьэ  Къэбэрдей-Балъкъэр  къэрал  университетым. Зэхуэсым  кърихьэл1ащ ди  гъунэгъу  Шэшэн, Ингуш  республикэхэм,  Ставрополь,  Ростов   щ1ыналъэхэм,  Осетие  Ипщэм  къик1а студентхэр. Выставкэм  щагъэлъэгъуащ  наукэр  япэк1э  зыгъэк1уэтэну дызыщыгугъ  щ1алэгъуалэм  я   къэхутэныгъэ  лэжьыгъэу  100-м  щ1игъу. Еджап1э  ищхьэм  щек1уэк1а  гъэлъэгъуэныгъэм  хэтахэщ ди  парламентым и  унафэщ1  Егоровэ  Татьянэ, щ1эныгъэ  1уэхухэмк1э  республикэм  и  министрым и  къуэдзэ  Мокаев  Ашэмэз, проректор  Хьэшыр  Светэ, парламентым и  депутат  Емуз Нинэ, Урысей  Академием и  къудамэу  Къэбэрдей-Балъкъэрым  щылажьэ  1энат1эм  и  унафэщ1  Нэгъуей  Залымхъан  сымэ,  нэгъуэщ1хэри. Универ-ситетым и  ректор  Алътуд  Юрэ  выставкэм  кърихьэл1а  псоми  ехъуэхъуащ  наукэм  и махуэмк1э  ик1и  и  къэпсэлъэныгъэм  къыхигъэщащ къэралым  и  зыужьыныгъэм  наукэр  и  джэлэсу  зэрыщытыр,  а  гъуэгур  къыхэзыха  щ1алэгъуалэм  бащэк1э  зэрыщыгугъыр.